Konexioa eraikitzen - moduloko oinarri teoriko praktikoak
3. Praktikara eramaten
Atal honen helburua
Atal honen helburua da aurreko ataletan landutako kontzeptuak eta tresnak egoera errealetan aplikatzea.
Landuko diren gakoak
- Entzute aktiboa praktikan
- Beharren identifikazioa
- KEBren aplikazioa
- Konponbide kolaboratiboak
Teoria ulertzea ezinbestekoa da, baina praktikara eramatea da benetako ikaskuntza finkatzen duena. Atal honetan, bi kasu praktiko landuko dira, eskola-kiroleko egoera errealetan oinarrituta.
Kasu bakoitzean, arreta jarriko da nola entzun, nola identifikatu emozioak eta beharrak, eta nola eraiki konponbideak modu kolaboratiboan.
Nola landu kasuak
- Ikusi bideoa arreta osoz, egoera ulertzeko.
- Identifikatu agertzen diren emozioak eta beharrak.
- Hausnartu entzute aktiboaren presentziaz edo faltaz.
- Pentsatu nola eraiki daitekeen irabazi–irabazi irtenbide bat.
Ondorengo azpi-atalak
Jarraian, bi kasu praktiko aurkituko dituzu. Lehenengoan, entzute aktiboan eta KEBren aplikazioan jarriko da fokua. Bigarrenean, konponbide kolaboratiboen eraikuntza aztertuko da.