Book
Gatazka ulertzen hastea - oinarri teoriko praktikoak
Completion requirements
View
3. Praktikara eramatea
3.1. Kasu praktiko baten lanketa
Orri honen zentzua
Orri honetan, egoera erreal baten bidez, aurreko orrietan landutako begirada praktikara eramango dugu. Helburua da jokabidea epaitu ordez, egoera interpretatzen ikastea.
Landu begirada honekin:
- Enpatia
- Beharren identifikazioa
- Testuinguruaren ulermena
- Esku-hartze hezitzailea
Gatazka egoera bat aztertzen
Jarraian aurkezten den kasua eskola-kiroleko egoera erreal batean oinarrituta dago. Helburua ez da erantzun zuzen bakarra aurkitzea, baizik eta egoera ulertzeko eta esku-hartze hezitzaile bat pentsatzeko gaitasuna lantzea.
Kasuaren deskribapena
Entrenamendu batean, partida erdian, ikasle batek epailearen erabaki baten aurrean haserre bizia erakusten du: oihu egiten du, materiala jaurtitzen du eta taldekide bati errua botatzen dio. Gainerako ikasleak geldirik geratzen dira, eta tentsioa nabarmen handitzen da.
Hausnarketarako galderak
- Zer jokabide ikusten dituzu? Eta zer emozio antzeman daitezke jokabide horren atzean?
- Zer behar egon daitezke ase gabe egoera honetan?
- Zer testuinguru-faktorek eragin dezakete jokabide horretan?
- Zein arrisku ditu jokabidean soilik zentratzeak?
Esku-hartze hezitzaileari begira
Orain, pentsatu nola esku hartu egoera honetan begirada eraldatzaile batetik. Helburua ez da jokabidea zigortzea soilik, baizik eta ikasleari laguntzea bere emozioak eta beharrak modu egokiagoan adierazten.
- Non eta nola esku hartuko zenuke unean bertan?
- Zer esango zenioke ikasleari, eta zer ez?
- Nola uztartu muga argiak eta enpatia?
🎥 Bideoa · Kasu praktikoaren azalpena
Bideo honetan, kasuaren analisia egiten da, eta esku-hartze hezitzaile posible batzuk proposatzen dira, aurretik landutako begiradatik abiatuta.
Enpatia Esku-hartzea Beharrak Testuingurua