Curso de primeros auxilios
Perfilado de sección
-
-
Lehen laguntzak ikastaroa: Lehen prestakuntza
Ikastaro honek oinarrizko material eta teknikak erakusten ditu. Laguntza profesionala iritsi aurretik istripua izan duten edo gaixotasuna bat-batean agertu zaien pertsonei berehalako zaintza egokiak eskaintzeko.
🎯 Helburu nagusia: Bizia mantentzea, konplikazioak saihestea eta laguntza eskaintzea da.
👥 Nori zuzenduta dago?
Gizarte- eta Kirol-irakaskuntzako profesional eta kirol monitoreentzat bideratutako ikastaroa da.
🎓Lorpena
Teoria ikusita eta ariketa guztiak gaindituta ZIURTAGIRIA lortzeko gai izango zara! Euskal Autonomia Erkidegoan Jarduera fisikoaren eta kirolaren arloko lanbideetan jarduteko lehen laguntzetako prestakuntzari buruzkoa.
📋 Lan prozesua
1. Ikasi Modulu bakoitzean infografia eta bideoen bitartez ikasiko duzu.2. Praktikatu Ariketa didaktikoen bidez kontzeptuak finkatuko dituzu.3. Baloratu Modulu amaieran galdetegia bete hurrengora igaro ahal izateko.⏳GOGORATU: Zeregina begiratu eta osatu beharko duzu hurrengora igaro ahal izateko. Botoia gaitzeko beharrezko denbora igaro ondoren aktibatuko da; aprobetxatu tarte hori edukia ondo berrikusteko.
Actividades: 0 -
Modulu honetan larrialdietako laguntzak emateko hasierako kontzeptuak landuko dira: bat-bateko heriotza kardiakoaren epidemiologia, BAS protokoloaren (Babestu, Abisatu, Sorostu) aplikazioa, "urrezko orduaren" garrantzia eta biktimaren lehen zein bigarren mailako balorazio sistematikoa egiteko metodologiak.
Lortuko dituzun gaitasunak:
- BAS protokoloa zuzen aplikatzea, soroslearen, ingurunea eta biktimaren segurtasuna bermatzeko.
- Denboraren eragina ("urrezko ordua") ulertzea, biziraupenean eta ondorio larriak saihesteko orduan duen garrantziaz jabetuz.
- Lehen eta bigarren mailako balorazio sistematikoa egitea (XABCDE protokoloa jarraituz), bizitza arriskuan jartzen duten egoerak detektatzeko.
Actividades: 4 -
Modulu honetan bihotz-gelditze baten aurrean pertsona baten bizitza salbatzeko jarraitu beharreko ekintza-sekuentzia kronologikoa azalduko da. Horrez gain, miokardio-infartu baten eta bat-bateko heriotza kardiako baten arteko ezberdintasun kliniko nagusiak aztertuko dira.
Lortuko diren gaitasunak:
- Biziraupen katea osatzen duten lau urrats kritikoak identifikatu eta ordenatzea.
- Miokardio-infartua (zirkulazio-arazoa) eta bat-bateko heriotza kardiakoa (arazo elektrikoa) zehaztasunez bereiztea.
- Larrialdi-zerbitzuei (112 / SOS Deiak app-a) abisua azkar eta modu eraginkorrean ematea, beharrezko informazio guztia argi helaraziz.
Actividades: 0 -
Modulu honetan konorte gabe dauden biktima heldu zein haurren aurrean nola jokatu ikasiko da: arnasketa agonikoa (gasping) identifikatzea, aire-bideak irekitzea, segurtasun alboko posizioa erabiltzea eta bihotz-masajea zein aireztapenak modu teknikoan egiten.
Lortuko diren gaitasunak:
- Biktimaren konorte-maila baloratzea eta benetako arnasketa eta arnasketa agonikoa (gasping) bereiztea.
- Kopeta-kokots maniobra, Guedel kanularen erabilera eta Segurtasun Alboko Posizioa (PLS) egoki aplikatzea.
- Kalitatezko bihotz-biriketako bizkortzea (konpresioak eta aireztapenak) egitea, helduen, haurren eta edoskitzaileen ezaugarrietara egokituz.
- Bizkortze-maniobrak noiz eta zein irizpideren arabera gelditu behar diren zehaztasunez jakitea.
Actividades: 0 -
Modulu honetan Kanpoko Desfibrilagailu Automatikoen (DEA/DESA) funtzionamendua aztertuko da: erritmo desfibrilgarriak hautematea, biktimaren toraxa prestatzea eta deskarga emateko orduan segurtasun-neurriak hartzea.
Lortuko diren gaitasunak:
- DEAren funtzioa ulertzea fibrilazio bentrikularra bezalako egoerak deskarga bidez lehengoratzeko.
- Pazientearen azala eta bularraldea elektrodoak jarri aurretik prestaketa (lehortzea, ilea moztea, elementu metalikoak kentzea).
- Desfibrilagailua erabili eta gailuaren ahots-jarraibideak, BBB maniobra eta deskargak modu koordinatuan egitea.
- Deskarga emateko unean ingurukoen eta norberaren segurtasuna bermatzeko protokoloak betetzea.
Actividades: 0 -
Azken modulu honetan gorputz arrotzek eragindako arnasbideen buxadurak edo eztarri-trabatzea nola identifikatu eta kudeatu ikasiko da, buxadura partzial zein osoaren arteko ezberdintasunak aztertuz eta adinaren arabera egin beharreko maniobrak landuz.
Lortuko diren gaitasunak:
- Arnasbideetako buxaduraren seinaleak hautematea eta egoeraren larritasuna (partziala edo osoa) bereiztea.
- Buxadurak libratzeko teknika fisikoak aplikatzea: eztul egitera bultzatzea egoera lehenetan, edo eskapula arteko 5 kolpe eta sabel-konpresioak (Heimlich maniobra) alternatzea kasu larrietan.
- Teknika fisikoak helduen, haurren eta edoskitzaileen anatomiara egokitzea.
- Buxadura baten ondorioz pertsonak konortea galtzen badu edo bihotz-gelditzean sartzen bada, berehala BBB sekuentziarekin hasteko gaitasuna izatea.
Actividades: 0 -
Ikastaroarekin amaitzeko egin azken azterketa,
eta osatu hurrengoko zereginak.
Actividades: 0